"Sevinirəm ki, fasilədən sonra ilk oyunumdaca fərqlənməyi bacardım".
Sportnet.az-ın məlumatına görə, bunu "Zirə"nin futbolçusu Məhəmməd Hamdaui səfərdə "Keşlə"yə 1:0 hesabı ilə qalib gəldikləri Azərbaycan Premyer Liqasının XV tur matçı barədə CBC Sport-a açıqlamasında deyib.
45-ci dəqiqədə komandasının qələbə topuna imza atan niderlandlı vinger ona göstərilən etimada görə baş məşqçi Rəşad Sadıqova təşəkkür edib: "Uzun müddətdən sonra yenidən oynamağa başladıq. Etimada görə baş məşqçimizə minnətdaram. Məqsədlərimiz böyükdür, öz üzərimizdə çalışaraq hədəflərimizə çatmağa çalışacağıq".
