Braziliya millisinin və "Qremio"nun futbolçusu Duqlas Kosta MLS-də (Əsas Futbol Liqası) çıxış edən "Los-Anceles Qelaksi" komandasına keçib.
Sportnet.az klubun rəsmi saytına istinadən xəbər verir ki, 32 yaşlı yarımmüdafiəçi ilə cari mövsümün sonunadək müqavilə imzalanıb. O, yeni komandasında icarə əsasında oynayacaq.
Kosta yayda "Qremio"dan ayrıldıqdan sonra isə "Los-Anceles Qelaksi" ilə 1 illik yeni sözləşməyə imza atacaq.
Qeyd edək ki, Duqlas Kosta daha əvvəl Ukraynanın "Şaxtyor" (Donetsk), Almaniyanın "Bavariya" və İtaliyanın "Yuventus" klublarının formasını geyinib.
