İspaniyanın "Real Madrid" komandasının futbolçusu Kərim Benzema Fransa futbol tarixinin bombardiri olub.
Sportnet.az xəbər verir ki, Benzema İspaniya çempionatının "Malyorka" ilə oyununda dubl edib. Qarşılaşmada onun komandası 3:0 hesabı ilə qalib gəlib.
"Real Madrid"in hücumçusu aktivindəki qol sayını 413-ə çatdırıb. Bu göstəricidə ikinci yeri 411 qolla artıq karyerasını başa vurmuş Tyerri Anri tutur.
Benzema 2009-cu ildən "Real Madrid"də çıxış edir. O, komandanın heyətində üç dəfə İspaniya çempionu olub, iki dəfə ölkə kubokunu, dörd dəfə Çempionlar Liqasını qazanıb.
Qeyd edək ki, Kərim Benzema 2004 - 2009-cu illərdə "Lion"un formasını geyinib.
