İngiltərənin "Çelsi" klubunun baş məşqçisi Tomas Tuxel karyerasını İspaniyada davam etdirə bilər.
Sportnet.az "Sport.es" nəşrinə istinadən xəbər verir ki, 48 yaşlı mütəxəssis Madrid təmsilçisində Karlo Ançelottinin yerinə əsas namizəddir.
"Kral klubu" Ançelotti ilə bağlı hələlik yekun qərar verməyib. Baş məşqçi cari mövsüm titul qazana bilməsə, istefaya göndəriləcək və rəhbərlik Tuxelllə danışıqlara başlayacaq.
Qeyd edək ki, "Çelsi" UEFA Çempionlar Liqasının 1/4 final mərhələsində "Real Madrid"lə üz-üzə gələcək. 1/4 finalın ilk oyunları 5-6 apreldə, cavab qarşılaşmaları isə 12-13 apreldə gerçəkləşəcək.
