21 yaşadək qızlardan ibarət Azərbaycan yığması Kiprin Pafos şəhərində UEFA-nın təşkil etdiyi Afrodita Kubokunda son oyununu keçirib. Sportnet.az-ın məlumatına görə, millimiz Birləşmiş Ərəb Əmirlikləri komandası ilə qarşılaşıb.
Qarşılaşma 5:1 hesabı ilə yığmamızın xeyrinə başa çatıb. BƏƏ komandasının qapısından topları Sevinc Cəfərzadə, Natalya Rodelqo, Nigar Cəlilli və Aliyə Vəliyeva keçirib. Bir dəfə isə avtoqol qeydə alınıb.
Qeyd edək ki, daha öncə Azərbaycan yığması Maltaya 1:2, Kiprə 0:1 hesabı ilə uduzub, Bəhreyni isə darmadağın edib - 4:0.
