Futbol üzrə Azərbaycan Premyer Liqasında ilk turun daha bir oyunu keçirilib.
Sportnet.az-ın məlumatına görə, "Sabah" klubu evdə "Sumqayıt"ı sınağa çəkib. "Bank Respublika Arena"kı qarşılaşma meydan sahiblərinin 3:0 hesablı qələbəsi ilə başa çatıb.
Qolları 27-ci dəqiqədə Anatoli Nuriyev, 53-cü dəqiqədə Coy-Lens Mikels və əsas vaxta əlavə olunmuş 5-ci dəqiqədə Kristian Sebalyos vurublar.
Bu qələbədən sonra "Sabah" 3 xalla liderliyə yüksəlib. "Qarabağ", "Zirə" və "Neftçi" də eyni xala malikdir. Xalı olmayan "Sumqayıt" isə sonuncudur.
Qeyd edək ki, turun əvvəlki oyunlarında "Zirə" səfərdə "Kəpəz"i 2:1, "Qarabağ" evdə "Səbail"i 3:1, "Neftçi" isə "Şamaxı"da eyniadlı komandanı 1:0 hesabı ilə məğlub edib. Tura avqustun 8-də keçiriləcək "Turan Tovuz" - "Qəbələ" matçı ilə yekun vurulacaq.
-------------------------------
Futbol üzrə Azərbaycan Premyer Liqasında ilk turun daha bir oyunu keçirilib.
Sportnet.az-ın məlumatına görə, ötən mövsümün gümüş medalçısı "Neftçi" Şamaxıda eyniadlı komanda ilə üz-üzə gəlib. Şamaxı şəhər stadionundakı qarşılaşma qonaqların 1:0 hesablı qələbəsi ilə başa çatıb. Yeganə qolu 80-ci dəqiqədə Emin Mahmudov vurub.
Bu nəticədən sonra "ağ-qaralar" 3 xalla 3-cü pilləyə yüksəliblər. Xalı olmayan bölgə təmsilçisi isə 9-cu pillədə qərarlaşıb.
Günün son görüşündə "Sabah" klubu "Sumqayıt"ı qəbul edəcək.
Qeyd edək ki, turun əvvəlki iki oyununda "Zirə" səfərdə "Kəpəz"i 2:1, "Qarabağ" isə evdə "Səbail"i 3:1 hesabı ilə məğlub edib. Tura avqustun 8-də keçiriləcək "Turan Tovuz" - "Qəbələ" matçı ilə yekun vurulacaq.
------------------------------------
Bu gün futbol üzrə Azərbaycan Premyer Liqasında ilk daha 2 oyunu keçiriləcək.
Sportnet.az-ın məlumatına görə, günün ilk matçı Şamaxıda eyniadlı komanda ilə ötən mövsümün gümüş medalçısı "Neftçi" arasında olacaq. Şamaxı şəhər stadionundakı qarşılaşmanı Kamal Umudlu idarə edəcək.
Komandalar indiyədək ölkə çempionatında 70 dəfə üz-üzə gəliblər. Bunların 16-da əyalət təmsilçisi, 39-da paytaxt klubu qalib gəlib. 15 görüş heç-heçə ilə yekunlaşıb. Bu matçlarda meydan sahibləri 68, qonaqlar isə 113 dəfə fərqlənib.
Son 7 matçda ən azı 3 qol vurulub. “Neftçi” 10 oyundur meydanı qolsuz tərk etmir.
Günün son oyununda "Sabah" klubu "Sumqayıt"ı qəbul edəcək. "Bank Respuklika Arena"dakı görüşün baş hakimi FIFA referisi Elçin Məsiyev olacaq.
İki kollektiv bunadək Premyer Liqada 15 dəfə bir-birinə rəqib olub. Hərəyə 6 qələbənin qazanıldığı duellərdə 3 bərabərlik qeydə alınıb. Topların nisbətində paytaxt təmsilçisinin cüzi üstünlüyü var - 20:19.
Son 10 matçda iki və ya daha çox qol vurulub. “Sabah” son üç görüşdə uduzmayıb.
Azərbaycan Premyer Liqası
I tur
7 avqust (bazar)
17:00. "Şamaxı" – "Neftçi" - 0:1
Qol: Emin Mahmudov, 81
Hakimlər: Kamal Umudlu, Kamran Bayramov, Müslüm Əliyev, Rauf Allahverdiyev
VAR hakimi: Tural Qurbanov
VAR hakiminin köməkçisi: Vüsal Məmmədov
Hakim-inspektor: İmanxan Sultani
Şamaxı şəhər stadionu, 17:00
19:15. "Sabah" – "Sumqayıt" - 3:0
Qollar: Anatoli Nuriyev, 27. Coy-Lens Mikels, 53. Kristian Sebalyos, 90+5
Hakimlər: Elçin Məsiyev, Elşad Abdullayev, Pərvin Talıbov, Fərid Hacıyev
VAR hakimi: Əliyar Ağayev
VAR hakiminin köməkçisi: Cavid Cəlilov
Hakim-inspektor: Anar Salmanov
"Bank Respublika Arena".
Qeyd edək ki, turun əvvəlki iki oyununda "Zirə" səfərdə "Kəpəz"i 2:1, "Qarabağ" isə evdə "Səbail"i 3:1 hesabı ilə məğlub edib. Tura avqustun 8-də keçiriləcək "Turan Tovuz" - "Qəbələ" matçı ilə yekun vurulacaq.
