Futbol üzrə Çempionlar Liqasının qrup mərhələsində III turun daha 6 oyunu keçirilib.
Sportnet.az-ın məlumatına görə, A qrupunda "Liverpul" İngiltərədə Şotlandiya "Reyncers"ini 2 cavabsız qolla üstələyib. İtaliya "Napoli"si isə Niderlandda "Ayaks"ı darmadağın edib - 6:1.
B qrupunda "Portu" Portuqaliyada Almaniyanın "Bayer" komandasına, "Brügge" isə Belçikada İspaniyanın "Atletiko" (Madrid) klubuna qalib gəlib.
C qrupunda İspaniya "Barselona"sı İtaliyada "İnter"ə minimal hesabla uduzub. D qrupunda isə İngiltərə "Tottenhem"i Almaniyada "Ayntraxt"la qolsuz heç-heçəyə razılaşıb.
------------------------------------
Futbol üzrə Çempionlar Liqasının qrup mərhələsində III tura start verilib.
Sportnet.az-ın məlumatına görə, ilk oyun gününə nəzərdə tutulan 8 qarşılaşmadan 2-si artıq başa çatıb.
C qrupunda Almaniya "Bavariya"sı evdə Çexiyanın "Viktoriya" (Plzen) komandasını darmadağın edib.
D qrupunda isə "Marsel" Fransada Portuqaliya "Sportinq"inə qalib gəlib. Bu, meydan sahiblərinin qrup mərhələsində ilk qələbəsi olub.
-----------------------------------
Bu gün UEFA Çempionlar Liqasının qrup mərhələsində III tura start veriləcək.
Sportnet.az-ın məlumatına görə, ilk oyun günündə A, B, C və D qruplarında ümumilikdə 8 oyun keçiriləcək.
Gecənin ən maraqla gözlənilən matçı İtaliyada baş tutacaq. "İnter" doğma meydanda İspaniya "Barselona"sını qəbul edəcək. Qarşılaşma Bakı vaxtı ilə saat 23:00-da başlayacaq. C qrupunun lideri "Bavariya" isə Almaniyada Çexiyanın "Viktoriya" (Plzen) komandasını sınağa çəkəcək.
Daha bir vacib görüş A qrupunda olacaq. İlk 2 turdan maksimum nəticə ilə turnir cədvəlinə başçılıq edən İtaliya "Napoli"si Niderlandda "Ayaks"ın qonağı olacaq. Bu qrupun digər matçında isə "Liverpul" İngiltərədə Şotlandiya "Reyncers"i ilə üz-üzə gələcək.
Çempionlar Liqası
Qrup mərhələsi, III tur
4 oktyabr
A qrupu
23:00. "Liverpul" (İngiltərə) - "Reyncers" (Şotlandiya) - 2:0
Qollar: Trent Aleksander-Arnold, 7. Məhəmməd Salah, 53 (penalti)
23:00. "Ayaks" (Niderland) - "Napoli" (İtaliya) - 1:6
Qollar: Məhəmməd Kudus, 9 - Cakomo Raspadori, 18; 47. Covanni Di Lorentso, 33. Pyotr Zelinski, 45. Xviça Kvaratsxeliya, 63. Covanni Simeone, 81
Qırmızı vərəqə: Duşan Tadiç, 73 ("Ayaks")
Xal durumu: "Napoli" - 9. "Liverpul" - 6. "Ayaks" - 3. "Reyncers" - 0.
B qrupu
23:00. "Portu" (Portuqaliya) - "Bayer" (Almaniya) - 2:0
Qollar: Zaydu Sanusi, 69. Qaleno, 82
Qırmızı vərəqə: Ceremi Frimponq, 88 ("Bayer")
23:00. "Brügge" (Belçika) - "Atletiko" (Madrid, İspaniya) - 2:0
Qol: Kamal Sova, 36. Ferran Xutqla, 62
Xal durumu: "Brügge" - 9. "Bayer" - 3. "Portu" - 3. "Atletiko" - 3
C qrupu
20:45. "Bavariya" (Almaniya) - "Viktoriya" (Plzen, Çexiya) - 5:0
Qollar: Leroy Sane, 7; 51 Serj Qnabri, 13. Sadio Mane, 21. Erik Şupo-Motinq, 59
23:00. "İnter" (İtaliya) - "Barselona" (İspaniya) - 1:0
Qol: Hakan Çalhanoğlu, 45+2
Xal durumu: "Bavariya" - 9. "İnter" - 6. "Barselona" - 3. "Viktoriya" - 0
D qrupu
20:45. "Marsel" (Fransa) - "Sportinq" (Portuqaliya) - 4:1
Qollar: Aleksis Sançes, 13. Amin Arit, 16. Leonardo Belyerdi, 28. Şansel Mbemba, 84 - Fransişku Trinkan, 1
Qırmızı vərəqə: Antonio Adan, 23 ("Sportinq")
23:00. "Ayntraxt" (Frankurt, Almaniya) - "Tottenhem" (İngiltərə) - 0:0
Xal durumu: "Sportinq" - 6. "Tottenhem" - 4. "Ayntraxt" - 4. "Marsel" - 3.
