UEFA Avropa çempionatlarının iştirakçı sayını 32 komandaya qaldırmamağı qərara alıb.
Sportnet.az-ın "Sky News" nəşrinə istinadən məlumatına görə, 24 ölkədən ibarət format saxlanılacaq. Qitə futbol qurumu belə qənaətə gəlib ki, 55 üzv ölkənin yarıdan çoxuna yer verilməsi təsnifat mərhələsini əhəmiyyətsizləşdirəcək və ya matçların baxımlı keçməsi üçün formata yenidən baxılmasını tələb edəcək.
Bu gün Almaniyanın Frankfurt şəhərində AVRO-2024-ün seçmə mərhələsinin püşkü atılacaq. UEFA-nın qərarı ilə Rusiya yığması yarışda iştirak etməyəcək. Avropa çempionatı 14 iyun - 14 iyul 2024-cü ildə təşkil olunacaq.
