İspaniya La Liqasında IX turun mərkəzi görüşü "Real Madrid" və "Barselona" komandaları arasında keçirilib.
Sportnet.az-ın məlumatına görə, "Santyaqo Bernabeu" stadionunda təşkil olunmuş qarşılaşma meydan sahiblərinin qələbəsi ilə yekunlaşıb - 3:1.
Hesabı 12-ci dəqiqədə "kral klubu"ndan Kərim Benzema açıb. 35-ci dəqiqədə Federiko Valverde ikinci qolu vurub. 83-cü dəqiqədə Ferran Torres fərqi azaltsa da, 90+2-ci dəqiqədə Rpdriqo penaltini dəqiq yerinə yetirərək, yekun nəticəni müəyyənləşdirib.
Bu qələbə sayəsində "Real Madrid" xalını 25-ə yüksəldərək, vahid liderə çevrilib. "Barselona" isə 22 xalla 2-cidir.
