UEFA Konfrans Liqasının qrup mərhələsində V tura yekun vurulub.
Sportnet.az-ın məlumatına görə, 8 qrupda baş tutan 15 matçdan sonra növbəti mərhələyə yüksələn daha 4 komandanın adına aydınlıq gəlib.
Polşada Kiprin "Apollon" (Limassol) komandasını yenən Ukraynanın "Dnepr-1" klubu adını pley-offa yazdırıb.
"Sivasspor" isə Türkiyədə Rumıniyanın ÇFR kollektivini məğlub edərək növbəti mərhələ tapşırığının öhdəsindən gəlib.
Beləliklə, V turun oyunlarından sonra "Sivasspor" və "Dnepr-1"lə yanaşı, İtaliyanın "Fiorentina" və Niderlandın "AZ Alkmaar" komandaları da pley-offa adlayıblar.
Qeyd edək ki, daha əvvəl Türkiyənin "Başakşehir", İngiltərənin "Vest Hem", İspaniyanın "Vilyarreal" və İsveçin "Yuroqrden" klubları növbəti mərhələyə vəsiqə əldə ediblər.
---------------------------------------------------
UEFA Konfrans Liqasının qrup mərhələsində V tura start verilib.
Sportnet.az-ın məlumatına görə, hələlik A, B, C, D və E qruplarında 6 görüş yekunlaşıb.
Bu qarşılaşmalardan sonra pley-offa yüksələn daha 2 komandanın adına aydınlıq gəlib.
A qrupunda İtaliya "Fiorentina"sı evdə Türkiyə "Başakşehir"ini 2:1, E qrupunda isə Niderlandın "AZ Alkmaar" klubu Lixtenşteyndə "Vaduts"u eyni hesabla məğlub edərək, növbəti mərhələyə vəsiqə qazanıblar.
-----------------------------------------------------
Bu gün UEFA Konfrans Liqasının qrup mərhələsində V turun oyunları keçiriləcək.
Sportnet.az-ın məlumatına görə, 8 qrupda baş tutacaq 16 matçdan sonra pley-offun daha 10 iştirakçısı müəyyənləşə bilər.
A qrupunda İtaliya "Fiorentina"sı, B qrupunda Danimarka "Silkeborq"u, C qrupunda Polşa "Lex"i, D qrupunda Serbiya "Partizan"ı, E qrupunda Niderlandın "AZ Alkmaar" və Ukraynanın "Dnepr-1" komandaları, F qrupunda Norveç "Molde"si, G qrupunda Türkiyə "Sivasspor"u, H qrupunda isə İsveçrə "Bazel"i və Ermənistan "Pünik"i 1/8 finalın bir addımlığındadırlar.
UEFA Konfrans Liqası
Qrup mərhələsi, V tur
27 oktyabr
A qrupu
20:45. "Fiorentina" (İtaliya) - "Başakşehir" (Türkiyə) - 2:1
23:00. "Harts" (Şotlandiya) - RFŞ (Latviya) – 2:1
Xal durumu: "Başakşehir" - 10, "Fiorentina" - 10, "Harts" - 6, RFŞ - 2
B qrupu
20:45. "Anderlext" (Belçika) - "Styaua" (Rumıniya) - 2:2
23:00. "Vest Hem" (İngiltərə) - "Silkeborq" (Danimarka) – 1:0
Xal durumu: "Vest Hem" - 15, "Silkeborq" - 6, "Anderlext" – 5, "Styaua" - 2
C qrupu
20:45. "Vilyarreal" (İspaniya) - "Hapoel" (Ber-Şeva, İsrail) - 2:2
20:45. "Austriya" (Vyana, Avstriya) - "Lex" (Polşa) - 1:1
Xal durumu: "Vilyarreal" - 13, "Lex" - 6, "Hapoel" - 4, "Austriya" - 2
D qrupu
20:45. "Slovaçko" (Çexiya) - "Köln" (Almaniya) (Təxirə salınıb)
20:45. "Nitsa" (Fransa) - "Partizan" (Serbiya) - 2:1
Xal durumu: "Nitsa" - 8 (5 oyuna), "Partizan" - 8 (5 oyuna), "Köln" - 4, "Slovaçko" - 4
E qrupu
20:45. "Vaduts" (Lixtenşteyn) - "AZ Alkmaar" (Niderland) - 1:2
23:00. "Dnepr-1" (Ukrayna) - "Apollon" (Limassol, Kipr) – 1:0
Xal durumu: "AZ Alkmaar" - 12, "Dnepr-1" - 10, "Apollon" - 4, "Vaduts" - 2
F qrupu
23:00. "Molde" (Norveç) - "Yurqorden" (İsveç) – 2:3
23:00. "Şemrok Rovers" (İrlandiya) - "Gent" (Belçika) – 1:1
Xal durumu: "Yurqorden" - 13, "Molde" - 7, "Gent" - 5, "Şemrok Rovers" - 2
G qrupu
23:00. "Balkani" (Kosovo) - "Slaviya" (Praqa, Çexiya) – 0:1
23:00. "Sivasspor" (Türkiyə) - ÇFR (Rumıniya) – 3:0
Xal durumu: "Sivasspor" - 10, ÇFR - 7, "Slaviya" - 7, "Balkani" - 4
H qrupu
23:00. "Bazel" (İsveçrə) - "Jalgiris" (Litva) – 2:2
23:00. "Slovan" (Bratislava, Slovakiya) - "Pünik" (Ermənistan) – 2:1
Xal durumu: "Bazel" - 8, "Slovan" - 8, "Pünik" - 6, "Jalgiris" - 5
Qeyd edək ki, daha əvvəl Türkiyənin "Başakşehir", İngiltərənin "Vest Hem", İspaniyanın "Vilyarreal" və İsveçin "Yuroqrden" komandaları qrupdan çıxmağı təmin ediblər.
