Türkiyənin Antalya bölgəsində təlim-məşq toplanışında olan “Neftçi”nin ilk yoxlama oyununun başlanma saatı açıqlanıb.
Sportnet.az klubun rəsmi saytına istinadən xəbər verir ki, Macarıstan “Vaşaş”ı ilə yanvarın 10-u baş tutacaq sınaq matçı Bakı vaxtı ilə saat 18:00-da start götürəcək. “Gloria Golf Club”un stadionunda keçiriləcək oyun “Neftçi TV” vasitəsilə canlı yayımlanacaq.
Qeyd edək ki, Belekdəki “Gloria Verde Resort” otelində məskunlaşan "Neftçi" qardaş ölkədə daha 3 yoxlama görüşü keçirməyi planlaşdırır. “Ağ-qaralar” yanvarın 15-də Polşanın “Medz Leqnisa” və Serbiyanın “Baçka Topola”, yanvarın 19-da isə bu ölkənin məşhur “Srvena Zvezda” klubu ilə qarşılaşacaq.
