Avstriyanın Lutzmannsburq qəsəbəsində təlim-məşq toplanışında olan Bakının "İnter" klubu ilk yoxlama matçını keçirib. Sportnet.az-ın klubun rəsmi saytına istinadən məlumatına görə, rəqib "Buhşahen" komandası olub.
"Thermenhotel Kurz Lutzmannsburg" otelinin meydançasında baş tutan qarşılaşma "İnter"in 5:0 hesablı qələbəsi ilə yekunlaşıb. Bakı komandasının baş məşqçisi Kaxaber Tsxadadze ilk yarıda Giorgi Lomaya, Məhəmməd Mirzəbəyov, Aleksandr Amisulaşvili, Yohan Bokonyano, Laşa Salukvadze, Matiya Şpiçiç, Abdulla Abatsiyev, Derlis Meza Kolli, Mirzağa Hüseynpur, Elvin Məmmədov və Baçana Tsxadadzeyə, ikinci hissədə isə Elşən Poladov, Arif Daşdəmirov, Slavço Georgiyevski, İvan Benites, Azər Salahlı, Fuad Bayramov, İlqar Ələkbərov, Coşqun Diniyev, Dieqo Madriqal və Asif Məmmədova şans verib. Hissənin gedişində Cəmil Hacıyev, Abbas Hüseynov və Mənsur Nəhavəndi də meydana daxil olublar.
"Thermenhotel Kurz Lutzmannsburg" otelinin meydançasında baş tutan qarşılaşma "İnter"in 5:0 hesablı qələbəsi ilə yekunlaşıb. Bakı komandasının baş məşqçisi Kaxaber Tsxadadze ilk yarıda Giorgi Lomaya, Məhəmməd Mirzəbəyov, Aleksandr Amisulaşvili, Yohan Bokonyano, Laşa Salukvadze, Matiya Şpiçiç, Abdulla Abatsiyev, Derlis Meza Kolli, Mirzağa Hüseynpur, Elvin Məmmədov və Baçana Tsxadadzeyə, ikinci hissədə isə Elşən Poladov, Arif Daşdəmirov, Slavço Georgiyevski, İvan Benites, Azər Salahlı, Fuad Bayramov, İlqar Ələkbərov, Coşqun Diniyev, Dieqo Madriqal və Asif Məmmədova şans verib. Hissənin gedişində Cəmil Hacıyev, Abbas Hüseynov və Mənsur Nəhavəndi də meydana daxil olublar.
"İnter"in heyətində Mirzağa Hüseynpur iki top vurub, digər qolların müəllifləri isə Baçana Tsxadadze, Arif Daşdəmirov və Dieqo Madriqal olublar.
Qeyd edək ki, iyunun 19-da "İnter" növbəti yoxlama matçına çıxacaq. Paytaxt təmsilçisi Avstriya "Şturm"u ilə üz-üzə gələcək.
