Azərbaycan Premyer Liqasında XXIII turun daha bir oyunu keçirilib.
Sportnet.az-ın məlumatına görə, "Neftçi" "Bakcell Arena"da "Səbail"i darmadağın edib - 3:0.
Hesabı 8-ci dəqiqədə penaltidən Kenni Sayef açıb. 48-ci dəqiqədə kapitan Emin Mahmudov 11 metrlik cərimə zərbəsini dəqiq yerinə yetirib. Son nöqtəni isə 74-cü dəqiqədə yeni transfer Mateus Saldanya qoyub.
Bu qələbə ilə xallarını 48-ə çatdıran "Neftçi" 3-cü pillədəki mövqeyini möhkəmlədib. 16 xalı olan "Səbail" isə sonuncu sırada qalıb.
Qeyd edək ki, turun əvvəlki oyunlarında "Kəpəz" Gəncədə "Şamaxı"nı 3:2, "Qəbələ" isə evdə "Sumqayıt"ı 2:1 hesabı ilə üstələyib. Tura fevralın 19-da keçiriləcək "Sabah" - "Turan Tovuz" və "Zirə" - "Qarabağ" matçları ilə yekun vurulacaq.
-----------------------------------
Misli Premyer Liqasında XXIII turun daha bir oyunu keçirilib.
Sportnet.az-ın məlumatına görə, "Qəbələ" doğma meydanda "Sumqayıt"ı qəbul edib. Görüş meydan sahiblərinin 2:1 hesablı qələbəsi ilə başa çatıb.
"Qırmızı-qaralar"ın qollarını 44-cü dəqiqədə Ülvi İsgəndərov və 56-cı dəqiqədə Rafael Utziq vurub. 85-ci dəqiqədə əyalət təmsilçisinin yarımmüdafiəçisi İsnik Alimi avtoqol müəllifi olub.
Beləliklə, altı turdan sonra qalib gələn "Qəbələ" xallarını 31-ə çatdıraraq 4-cü pillədəki yerini qoruyub. 18 xalı olan "Sumqayıt" isə 7-ci sırada qərarlaşıb.
Günün ikinci oyununda "Neftçi" "Bakcell Arena"da "Səbail"i sınağa çəkəcək.
Qeyd edək ki, açılış oyununda "Kəpəz" Gəncədə "Şamaxı"nı 3:2 hesabı ilə məğlub edib. Tura fevralın 19-da keçiriləcək "Zirə" - "Qarabağ" və "Sabah" - "Turan Tovuz" matçları ilə yekun vurulacaq.
-------------------------------------
Bu gün Misli Premyer Liqasında XXIII turun daha iki oyunu keçiriləcək.
Sportnet.az-ın məlumatına görə, qarşılaşmalardan biri əyalətdə, digər paytaxtda baş tutacaq.
Günün ilk görüşündə "Qəbələ" evdə "Sumqayıt"ı sınağa çəkəcək. Hazırda "qırmızı-qaralar" 28 xalla 5-ci, "gənclik şəhəri" təmsilçisi isə 18 xalla 7-ci pillədə yer alıb.
Komandalar bunadək ölkə çempionatında öz aralarında 41 oyun keçiriblər. Bunların 23-ü meydan sahiblərinin, 5-i qonaqların xeyrinə başa çatıb. 13 qarşılaşmada qalib müəyyənləşməyib. Bölgə təmsilçisinin vurduğu 65 qola sumqayıtlılar 30 topla cavab veriblər.
"Qəbələ" son 5 oyunda fərqlənə bilib. "Sumqayıt" 6 matçdır qələbə qazanmır.
Günün son oyununda 45 xalla 3-cü pillədə qərarlaşan "Neftçi" 16 xalla autsayder olan "Səbail"i qəbul edəcək.
İki komanda indiyədək Premyer Liqada 21 dəfə üz-üzə gəlib. Bunların 16-da "ağ-qaralar", 2-də "dənizçilər" qələbə qazanıblar. 3 qarşılaşma isə heç-heçə ilə başa çatıb. Topların nisbəti də Laurentsiu Regekampfın baş məşqçi olduğu kollektivin xeyrinədir - 46:12.
"Neftçi" son 10 görüşdə qalib gəlib. "Səbail" ardıcıl 14 qarşılaşmada qələbə qazana bilməyib.
Misli Premyer Liqası
XXIII tur
18 fevral
15:00. "Qəbələ" - "Sumqayıt" - 2:1
Qollar: Ülvi İsgəndərov, 44. Rafael Utziq, 56 - İsnik Alimi, 85 (avtoqol)
Hakimlər: Əliyar Ağayev, Zeynal Zeynalov, Şirmamed Mamedov, Emin Əliyev
Hakim-inspektor: Asim Xudiyev
AFFA nümayəndəsi: Emin Cəfərov
Qəbələ şəhər stadionu.
17:30. "Neftçi" - "Səbail" - 3:0
Qollar: Kenni Sayef, 8 (penalti). Emin Mahmudov, 48 (penalti). Mateus Saldanya, 74
Hakimlər: Kamranbəy Rəhimov, Eyyub İbrahimov, Rahil Ramazanov, Rauf Allahverdiyev
Hakim-inspektor: Gülağa Cabarov
AFFA nümayəndəsi: Erkin Hüseynov
"Bakcell Arena".
Qeyd edək ki, açılış oyununda "Kəpəz" Gəncədə "Şamaxı"nı 3:2 hesabı ilə məğlub edib. Turun "Zirə" - "Qarabağ" və "Sabah" - "Turan Tovuz" matçları fevralın 19-da keçiriləcək.
