Misli Premyer Liqasında XXV turun daha bir oyunu keçirilib.
Sportnet.az-ın məlumatına görə, günün ikinci matçında "Sabah" "Kəpəz"i qəbul edib.
Qarşılaşma meydan sahiblərinin 2:0 hesablı qələbəsi ilə bitib. 40-cı və 90+4-cü dəqiqədə Aleksey İsayev fərqlənib.
17-ci dəqiqədə qonaqların heyətində Abdullahi Şuaybu qırmızı vərəqə alaraq meydandan qovulub. 90+6-cı dəqiqədə "Sabah"dan Anatoli Nuriyev ikinci sarı vərəqəni görərək eyni aqibəti yaşayıb.
Bu nəticədən sonra xallarının sayını 56-ya çatdıran "Sabah" ikinci pillədə qərarlaşıb. Gəncə təmsilçisi 20 xalla səkkizinci sıradadır.
Qeyd edək ki, günün ilk görüşündə "Sumqayıt" "Səbail"i minimal hesabla üstələyib - 1:0. “Zirə” və “Şamaxı” arasında keçirilmiş turun açılış oyununda 2:2 hesablı heç-heçə qeydə alınıb. Martın 5-də baş tutacaq matçlarda “Qəbələ” “Qarabağ”ı, “Neftçi” isə “Turan Tovuz”u qəbul edəcək.
------------------------------------------------------
Misli Premyer Liqasında XXV turun daha bir oyunu keçirilib.
Sportnet.az-ın xəbər verir ki, günün ilk matçında "Səbail" "Sumqayıt"ı qəbul edib.
"ASCO Arena"dakı qarşılaşma qonaqların 1:0 hesablı qələbəsi ilə bitib. Qələbə qolunu 90+8-ci dəqiqədə penaltidən Terrens Tisdel vurub.
68-ci dəqiqədə meydan sahiblərinin müdafiəçisi Qustavo de Fransa birbaşa qırmızı vərəqə alaraq meydandan qovulub.
"Gənclik şəhəri" təmsilçisi qələbə sayəsində xallarının sayını 21-ə çatdıraraq 7-ci pilləyə yüksəlib. "Dənizçilər" isə 17 xalla sonuncu - 10-cu sırada qərarlaşıb.
Qeyd edək ki, günün digər görüşündə "Sabah" "Kəpəz"i sınağa çəkəcək. “Zirə” və “Şamaxı” arasında keçirilmiş turun açılış oyununda 2:2 hesablı heç-heçə qeydə alınıb. Martın 5-də baş tutacaq matçlarda “Qəbələ” “Qarabağ”ı, “Neftçi” isə “Turan Tovuz”u qəbul edəcək.
--------------------------------------
Bu gün Misli Premyer Liqasında XXV turun daha 2 oyunu keçiriləcək.
Sportnet.az-ın məlumatına görə, hər iki qarşılaşma Bakıda gerçəkləşəcək.
Əvvəlcə "Səbail" "ASCO Arena"da "Sumqayıt"la üz-üzə gələcək. Saat 16:00-da başlanacaq matçı baş hakim Rəşad Əhmədov idarə edəcək.
24 turdan sonra "Səbail" 17 xalla son pillədə qərarlaşıbsa, "Sumqayıt" 18 xalla 9-cudur. Bu komandalar indiyədək 20 dəfə üz-üzə gəliblər.
Qarşılaşmaların 7-də "dənizçilər", 10-da "kimyaçılar" qələbə qazanıbsa, 3 görüşdə heç-heçə qeydə alınıb. Topların nisbətində də "gənclik şəhəri" təmsilçisi öndədir - 25:15.
Son 6 görüşdə meydan sahibi olan komanda uduzmayıb. “Səbail” son üç ev qarşılaşmasının hərəsində 1 qol vurub.
Günün son görüşündə "Sabah" "Kəpəz"i sınağa çəkəcək. "Bank Respublika Arena"dakı görüşə baş hakim qismində Rauf Allahverdiyev təyinat alıb.
Hazırda "Sabah" 53 xalla 2-ci, "Kəpəz" 20 xalla 7-ci yerdə gedir. Bu komandalar indiyədək çempionatda cəmi 2 dəfə üz-üzə gəliblər. Matçların birində "Sabah" qalib gəlibsə, digəri heç-heçə ilə yekunlaşıb. Topların nisbətində paytaxt təmsilçisi öndədir - 7:2. “Sabah” hər iki oyunda qol vurub. “Kəpəz” isə qalib gəlməyib.
Misli Premyer Liqası, XXV tur
4 mart (şənbə)
16:00. “Səbail” – “Sumqayıt” - 1:0
Qol: Terrens Tisdel, 90+8 (Penalti)
Hakimlər: Rəşad Əhmədov, Vüsal Məmmədov, Rəhman İmami, Vüqar Həsənli
Hakim-inspektor: Asim Xudiyev
AFFA nümayəndəsi: Elçin Məmmədov
“ASCO Arena”
18:30. “Sabah” – “Kəpəz” - 2:0
Qollar: Aleksey İsayev, 40. 90+4
Qırmızı vərəqə: Abdullahi Şuaybu, 17 ("Kəpəz)
Hakimlər: Rauf Allahverdiyev, Pərvin Talıbov, Zöhrab Abbasov, Emin Əliyev
Hakim-inspektor: Rəhim Həsənov
AFFA nümayəndəsi: Məmmədəli Məmmədov
“Bank Respublika Arena”
Qeyd edək ki, turun ilk oyununda "Zirə" evdə "Şamaxı" ilə heç-heçə edib - 2:2. Tura martın 5-də keçiriləcək "Qəbələ" - "Qarabağ" və "Neftçi" - "Turan Tovuz" görüşləri ilə yekun vurulacaq.
