"Yuventus"un baş məşqçisi Massimiliano Alleqri Avropa Liqasında 1/8 finalın ilk oyununda "Frayburq"a qalib gəldikləri matç (1:0) barədə danışıb.
Sportnet.az "Sky Sports"a istinadən xəbər verir ki, mütəxəssis cavab oyununda daha da yaxşı çıxış etmək istədiklərini deyib:
“Düşünürəm ki, futbolçularımız bu axşam mükəmməl oynadılar. Texniki cəhətdən yaxşı idik. Xoşbəxtlikdən rəqibin qolu ləğv olundu, əks-halda qapıya bircə zərbədən sonra qol buraxacaqdıq! Həqiqətən etməli olduğumuz şey cavab görüşündə oyunun keyfiyyətini daha da artırmaqdır. Çünki biz tez-tez səhv ötürmə veririk.
Qeyd edək ki, bu komandalar arasında cavab oyunu martın 16-da olacaq.
