Dünya çempionatının seçmə mərhələsinin oyunlarına hazırlıq məqsədilə bu gündən etibarən Bakı şəhərində futzal üzrə Azərbaycan milli komandasının təlim-məşq toplanışı başlayıb. Sportnet.az-ın məlumatına görə, toplanışa noyabrın 29-da yekun vurulacaq.
Baş məşqçi Perez Moreno Qomez Faustino toplanışa 15 futzalçı dəvət edib: Rövşən Hüseyni, Emin Kürdov, Elnur Zamanov, Rizvan Fərzəliyev, Vitali Borisov, Rafael Durval, Augusto Cesar, Amadeu Fernandes, Ramiz Çovdarov, Xətai Bağırov, Samir Həmzəyev, Zeynal Zeynalov, Fineo de Araujo, Andre de Campos, Eduardo Mello.
