Bu gün futzal üzrə Avropa çempionatının 1/4 final mərhələsində keçiriləcək Rusiya - Azərbaycan oyununun hakimləri açıqlanıb. Sportnet.az-ın məlumatına görə, oyunun birinci hakimi belçikalı Paskal Lemal olacaq.
Görüşə ikinci hakim qismində Finlandiyadan olan Timo Onatsu təyinat alıb. Üçüncü hakim funksiyasını isə xorvatiyalı Saşa Tomiç yerinə yetirəcək.
Qeyd edək ki, futzal üzrə Avropa çempionatında 1/4 final mərhələsinin Rusiya - Azərbaycan oyunu bu gün Bakı vaxtı ilə saat 21:30-da start götürəcək.
