UEFA-nın rəsmi saytı Çempionlar Liqasının simvolik yığmasını dərc edib. Sportnet.az-ın məlumatına görə, 18 nəfərlik siyahıya turnirin qalibi İspaniya "Barselona"sından 10 futbolçu daxil edilib.
Finalçı İtaliya "Yuventus"undan 5, yarımfinalda büdrəyən "Real Madrid"dən 2 oyunçu da "18-liy"ə düşüb. Ən böyük sürpriz isə 1/8 finalda büdrəyən İngiltərənin "Çelsi" klubundan müdafiəçi Branislav İvanoviçin də siyahıda yer alması ilə bağlı olub. İvanoviç iyunun 7-də Serbiya yığmasının heyətində Azərbaycan millisi ilə yoldaşlıq görüşündə "dubl" edib.
Qapıçılar: Mark-Andre ter Ştegen ("Barselona"), Canluici Buffon ("Yuventus")
Müdafiəçilər: Jerar Pike, Xavyer Maskerano, Jordi Alba (hamısı "Barselona"), Branislav İvanoviç ("Çelsi"), Corco Kyellini ("Yuventus")
Yarımmüdafiəçilər: İvan Rakitiç, Andres İnyesta, Serxio Buskets (hamısı "Barselona"), Klaudio Markizio, Andrea Pirlo ("Yuventus"), Toni Kros ("Real Madrid")
Hücumçular: Luis Suares, Neymar, Lionel Messi (hamısı "Barselona"), Alvaro Morata ("Yuventus"), Kriştianu Ronaldu ("Real Madrid").
