"Qarabağ"ın Monteneqro "Rudar"ı ilə keçirəcəyi Çempionlar Liqasının II təsnifat mərhələsinin ilk görüşü üçün biletlər iyulun 10-dan satışa çıxarılacaq. Sportnet.az-ın klubun rəsmi saytına istinadən məlumatına görə, biletləri Tofiq Bəhramov adına Respublika stadionunun kassalarından əldə etmək mümkün olacaq.
Onlara 1 manat, 2 manat və 20 manat qiymət qoyulub. Daha dəqiqi, 12 - 17-ci və 29 - 38-ci sektorlar 2 manat, qalan sektorlara biletlər 1 manat, VİP biletlər isə 20 manatdır.
Qeyd edək ki, iyulun 15-də Respublika stadionunda keçiriləcək "Qarabağ" - "Rudar" matçı saat 21:30-da başlanacaq.
