İtaliyada voleybolçu qadınlar arasında keçirilən dünya çempionatında ilkin qrup mərhələsinə yekun vurulub. Sportnet.az-ın məlumatına görə, D qrupunda yer alan Azərbaycan milli komandası ötən gün növbəti mərhələyə vəsiqə uğrunda son matçına çıxıb.
V turda rəqib Kuba yığması olub. Görüş komandamızın qələbəsi ilə yekunlaşıb - 3:1. Bu nəticədən sonra millimiz növbəti mərhələyə vəsiqəni avtomatik təmin edib. Yığmamızın qrupdakı yekun mövqeyinə isə az öncə Belçika - Puerto Riko matçında aydınlıq gəlib. Daha yaxşı təsir bağışlayan "qırmızı şeytanlar" quru hesablı qələbə ilə 3-cü yeri tutublar. İlk isə pillə isə Asiyanın iki qonşu ölkəsi - Çin və Yaponiyaya qismət olub.
28 sentyabr
D qrupu, V tur
13:30. AZƏRBAYCAN - Kuba - 3:1 (25:20, 25:27, 25:20, 25:22)
20:00. Yaponiya - Çin - 2:3 (16:25, 25:18, 27:25, 17:25, 11:15)
23:00. Belçika - Puerto Riko - 3:0 (25:20, 25:17, 25:19)
Xal durumu: Çin - 14, Yaponiya - 11, Belçika - 9, AZƏRBAYCAN - 7, Puerto Riko - 4, 6. Kuba - 0.
