Teymur Rəcəbov Onlayn Millətlər Kubokunda növbəti görüşünü keçirib.
Sportnet.az-ın məlumatına görə, günün 2-ci qarşılaşmasında çinli Din Lirenlə üz-üzə gələn və ağ fiqurlarla oynayan azərbaycanlı şahmatçı rəqibinə uduzub - 0:1.
Rəcəbovun çıxış etdiyi Dünya yığması da turnirin lideri olan Çin komandası qarşısında aciz qalıb - 0,5:3,5.
33 yaşlı qrossmeyster bugünkü ilk görüşündə Avropa yığmasının lideri Maksim Vaşye-Laqravla sülh bağlayıb.
Dünya yığması sabah ilk görüşünü Çinə, ikinci qarşılaşmasını ABŞ komandasına qarşı keçirəcək.
Millətlər Kuboku
V tur
Dünya yığması - Avropa yığması 1,5:2,5
Teymur Rəcəbov - Maksim Vaşye-Laqrav 0,5:0,5
Alireza Firuzca - Levon Aronyan 0:1
Bassem Amin - Aniş Qiri 1:0
Dinara Saduakasova - Nana Dzaqnidze
VI tur
Dünya yığması - Çin 0,5:3,5
Teymur Rəcəbov - Din Liren - 0:1
Alireza Firuzca - Yi Vey - 0:1
Bassem Amin - Yu Yanyi 0,5:0,5
Mariya Muzıçuk - Ju Venyun 0:1
Qeyd edək ki, 180 000 ABŞ dolları mükafat fonduna malik yarış iki dövrəlik olacaq. İlk mərhələ mayın 9-dək gerçəkləşəcək. Daha sonra iki ən güclü komanda mayın 10-da Superfinalda üz-üzə gələcək.
___________________________________________________________________________________________
***18:16
Şahmat üzrə onlayn Millətlər Kubokunda bu gün V tura start verilib.
Sportnet.az-ın məlumatına görə, Teymur Rəcəbovun yer aldığı dünya yığma günün ilk qarşılaşmasında Avropa komandası ilə qüvvəsini sınayıb və uduzub - 1,5:2,5.
Azərbvaycanlı qrossmeyster artıq öz görüşünü başa vurub. O, Avropa komandasının lideri Maksim Vaşye-Laqravla üz-üzə gəlib. Ağ fiqurlarla oynayan 33 yaşlı şahmatçı fransalı rəqibi ilə sülh bağlayıb.
T.Rəcəbov turnirdə daha əvvəl keçirdiyi 4 görüşdə 3 heç-heçə edib, bir dəfə isə uduzub.
Turnir cədvəlinə 7 xalla Çin başçılıq edir. Avropa və ABŞ yığmaları 5 xalla 2-3-cü yerləri bölüşdürürlər. 4 xalı olan Rusiya 4-cüdür. Dünya yığmasının aktivində 2 xalı var və 5-ci pillədə qərarlaşıb. Son sırada isə 1 xalla hələlik Hindistan seçməsi yer alıb.
Qeyd edək ki, 180 000 ABŞ dolları mükafat fonduna malik yarış iki dövrəlik olacaq. İlk mərhələ mayın 9-dək gerçəkləşəcək. Daha sonra iki ən güclü komanda mayın 10-da Superfinalda üz-üzə gələcək.
Millətlər Kuboku
V tur
Dünya yığması - Avropa yığması 1,5:2,5
Teymur Rəcəbov - Maksim Vaşye-Laqrav 0,5:0,5
Alireza Firuzca - Levon Aronyan 0:1
Bassem Amin - Aniş Qiri 1:0
Dinara Saduakasova - Nana Dzaqnidze
