"Bakı 2017" IV İslam Həmrəyliyi Oyunlarında Azərbaycan yığması suya tullanma növündə növbəti medalını qazanıb.
Sportnet.az-ın məlumatına görə, qadınlar arasında 10 metrlik platformadan tullanmada Olqa Bıkovskaya fəxri kürsünün ən yüksək pilləsinə qalxıb. O, 275,85 xal toplayıb. Gümüş medalı 167,70 xal yığan indoneziyalı Della Harimurti, bürünc medalı isə 161,95 xalla türkiyəli Sinem Sağlam əldə edib.
Qeyd edək ki, Azərbaycan suya tullanma növündə ilk medalı ötən gün Dmitri Sorokin qazanıb.
