"Komanda yoldaşlarıma təşəkkür edirəm. Yaxşı oynadıq, amma bəxt rəqibin tərəfində idi". Bu sözləri Sportnet.az-a açıqlamasında futzal üzrə Azərbaycan millisinin üzvü İsa Atayev deyib.
Ukrayna ilə keçirilən görüş haqda fikirlərini bildirən Atayev azarkeşlərə təşəkkür edib: "Bir neçə zərbəmiz dirəkdən döndü. Qələbə qazanmaq istəsək də, alınmadı. Bizi dəstəkləyən azarkeşlərə minnətdəram. İstərdik bayram günündə xalqımıza qələbə hədiyyə edək, amma alınmadı. Pley-off mərhələsində rəqimizin kim olacağını görəcəyik. İnanıram ki, nəticə bizim üçün yaxşı olar".
Qeyd edək ki, Azərbaycan - Ukrayna görüşü 2:3 hesabı ilə başa çatıb.
