Azərbaycan voleybolunun yeni ümidlərindən sayılan "Xarıbülbül Şuşa" voleybol klubu ilk mövsümünə start verib.
Sportnet.az-ın məlumatına görə, yarandığı ildəncə Azərbaycan Super Liqasında mübarizə aparacaq komandanın hədəfi Azərbaycan voleyboluna xidmət etmək, qəhrəmanlıq simvoluna çevrilən xarıbülbülü və bir qərinə həsrətində olduğumuz əsrarəngiz Şuşanı beynəlxalq arenada layiqincə təmsil etməkdir.
İlk məşq günü ölkə olaraq çox həssas günlərlə üst-üstə düşdüyündən, minimal borc olaraq yerli və əcnəbi üzvlərlə şəhidlər yad edilib, onlara bu adın, simvolun, şəhərin ölkə üçün nə qədər önəmli olduğunu anladılıb. Həmin gün hər hansı bir paylaşım məqbul sayılmadıgından, ilk məşq və toplanışlardan görüntülər indi yayılıb.
Qeyd edək ki, klubun prezidenti cərrah və alim Fatimə Hacıyevadır.
