Oktyabrın 4-də Quba, Qusar və Xaçmaz rayonları ərazisində çoxgünlük ötüşmələr üzrə Azərbaycan çempionatı keçiriləcək. Sportnet.az-ın məlumatına görə, yarış 2014-cü ilin təqvim-planına əsasən Gənclər və İdman Nazirliyi İlə Azərbaycan Velosiped İdmanı Federasiyası tərəfindən təşkil ediləcək.
Çempionata 100-dək velosipedçi qatılacaq. Diqqət çəkən məqam ölkə çempionatında ilk dəfə paytaxt və Sumqayıt velosipedçiləri ilə yanaşı, Oğuz rayonunda fəaliyyət göstərən velosiped bölməsinin idmançılarının da iştirakıdır. Bundan başqa, Azərbaycan çempionatın açıq xarakterli olması Gürcüstan yığma komandasının 10 üzvünün də turnirdə mübarizə aparmasına imkan verir.
