Almaniyanın "Bavariya" klubunun futbolçusu Robert Levandovski 9 dəqiqəyə 5 qol vurub. Sportnet.az-ın məlumatına görə, bu, "Volfsburq"la Bundesliqanın VI tur matçında baş verib.
İlk yarıda Münhenlilər 0:1 hesabı ilə geridə olublar. Fasilədən sonra Levandovski səhnəyə çıxıb. O, 51-ci, 52-ci, 55-ci, 57-ci və 60-cı dəqiqələrdə vurduğu qollarla "penta-trik" edib.
Bu nəticədən sonra "Bavariya" xallarını 18-ə çatdırıb və 6 oyundan maksimum nəticə ilə liderliyini davam etdirib. "Qəbələ"nin Avropa Liqasının qrup mərhələsindəki rəqibi "Borussiya" (Dortmund) isə sentyabrın 23-də "Hoffenhaym"ın qonağı olacaq.
