Avropa Liqasının I təsnifat mərhələsində "Qəbələ"ni 0:2 hesabı ilə məğlub edən "Şiroki Briyeq"in baş məşqçisi oyun haqda fikirlərini bildirib. Sportnet.az-ın məlumatına görə, Slaven Musa bunları bildirib:
- "Qəbələ" hörmət etdiyimiz komandadır. Çox çətin oyun oldu. Biz rəqibi analiz etmişdik. Bizə çox yaxşı qonaqpərvərlik göstərdilər. Həm meydandanda, həm də meydandan kənarda. İndi növbə bizimdi. Eyni qonaqpərvərliyi biz də göstərəcəyik".
- Oyundan öncə "Qəbələ"ni güclü rəqib kimi dəyərləndirmişdiniz. İndi necə?
- "Qəbələ"nin "Maribor"la oyununu izləmişdim və taktiki hazırlıqlar görmüşdüm.
- Səfərdə qazanılan 2:0 hesablı qələbə böyük üstünlük sayılır. Bu nəticəyə əsasən cütlüyün qalibini demək olar?
- 2:0 yaxşı nəticədir, ancaq qarşıda da 90 dəqiqəlik oyun olacaq. Orada ən azı 0:0 oynasaq, yaxşı olacaq.
