"MTM Kawasaki" komandasının niderlandlı motosikletçisi Viktor Stiman qəza nəticəsində dünyasını dəyişib.
Sportnet.az-ın Autoinfo.az-a istinadən məlumatına görə, hadisə Portuqaliyada "Supersport 300" kateqoriyalı superbayk yarışında baş verib. 22 yaşlı idmançı aldığı zədələrdən vəfat edib.
Stiman 14-cü döngədə motosikletdən yıxılıb. Bu zaman ona rəqib motosikletçi Xose Luis Peres çırpılıb.
Niderlandlı motobaykerə uzun müddət ilkin yardım göstərilib. Nəticədə onun vəziyyətinin sabitləşdirmək və helikopterlə xəstəxanaya çatdırmaq mümkün olub. Lakin başından aldığı ciddi zədə Stimanın həyatda qalmasına mane olub.
