Bu gün Fanat.Az 9 yaşını qeyd edir. Sportnet.az-ın məlumatına görə, 10 il əvvəl - 2007-ci ilin 5 oktyabrında "Qaynarinfo" saytının tərkibində sport.qaynar.info kimi fəaliyyətə başlayan sayt 2008-ci ilin 10 oktyabrından etibarən müstəqil domen olaraq fəaliyyət göstərir.
Fanat.Az Azərbaycanın ilk milli xəbər portalıdır. Ondan əvvəl rusdilli portallar, həmçinin Azərbaycan dilində agentliklərin və digər saytların idman əlavələri fəaliyyət göstərsə də, Azərbaycan dilində ilk idman portalı Fanat.Az olub. Fanat.Az-ın fəaliyyətə başlamasından sonra bu sahəyə diqqət artıb və onlarla yeni saytlar yaranıb.
Fanat.Az yarandığı gündən futbolsevərlərin sevimli xəbər saytına çevirilib. İlk gündən eksküliziv xəbərləri, maraqlı müsahibləri, ölkənin tanınmış köşə yazarlarının yazıları ilə oxucularının görüşünə gələn Fanat.Az 9 ildə öz yoluna sadiq qalıb və oxucusunun, futbol azarkeşinin maraqlarına xidmət edib.
Sportnet.az fanat.az-ın rəhbəri Əlisahib Əliyev başda olmaqla, saytın bütün kollektivini təbrik edir, daha böyük uğurlar arzulayır.
