"Formula 1"in keçmiş sahibi Berni Ekklstoun və ən titullu pilot Mixael Şumaxer yarış tarixinin ən görkəmli şəxsi sorğusunda finala yüksəlib.
Sportnet.az-ın məlumatına görə, səsvermə "Formula 1"in saytında azarkeşlər arasında keçirilir. Şumaxer finaladək Niki Lauda, Ayrton Senna, Xuan Manuel Fanxio və Entso Ferrarini üstələyib. Ekklstoun isə German Tilke, Ross Braun, Sid Uotkins və Qordon Mürreyi geridə qoyub.
Qeyd edək ki, hazırda "Formula 1" üzrə dünya çempionatı koronavirus pandemiyası ilə əlaqədar məcburi fasilədədir. İlk yarışın iyulun 5-də Avstriyada başlayacağı güman olunur.
