İyulun 25-də Bakıda Ümummilli Lider Heydər Əliyevin xatirəsinə həsr olunmuş güləş üzrə "Qızıl Qran Pri” beynəlxalq turnirinin final mərhələsi start götürəcək. Sportnet.az-ın Azərbaycan Güləş Federasiyasının rəsmi saytına istinadən məlumatına görə, sayca 7-ci dəfə keçiriləcək yarışda dünyanın 40-a yaxın ölkəsindən 400-dək idmançının iştirakı gözlənilir.
Proqrama əsasən, yarışın ilk günündə sərbəst güləşçilər mübarizə aparacaqlar. İyulun 26-da qadın, sonuncu gün yunan-Roma güləşi üzrə qaliblər müəyyənləşəcək.
Qeyd edək ki, "Sərhədçi” İdman Olimpiya Mərkəzində keçiriləcək turnir 3 gün davam edəcək.
