Futbol üzrə Macarıstan milli komandasına yeni baş məşqçi təyin olunub. Sportnet.az-ın məlumatına görə, bu, almaniyalı mütəxəssis Bernd Ştorkdur.
B.Ştork yeni vəzifədə Almaniya "Herta"sının baş məşqçisi Pal Dardaini əvəzləyib. Klub rəhbərliyi onun iki vəzifədə çalışmasına icazə verməyib.
Qeyd edək ki, Bernd Ştork bu təyinatadək Macarıstanın gənclər yığmasına başçılıq edib. AVRO-2016-nın seçmə mərhələsində finişə 4 tur qalmış əsas komanda 11 xalla F qrupunda 3-cü yeri tutur.
