Futbol üzrə Hollandiya çempionatının start oyunları təxirə salınacaq. Sportnet.az-ın məlumatına görə, səbəb polislərin futbol matçlarında təhlükəsizlik təminatından imtina etmələridir.
Artıq Herenven meri "De Qrafshap"la görüşün avqustun 7-də baş tutmayacağını açıqlayıb. Eyni səbəbdən, "Evolle" - "Kambür", "Den Haaq" - PSV və "Villem II" - "Vitess" görüşləri təxirə salınıb. Həftəsonuna nəzərdə tutulan bütün qarşılaşmaların ertələnəcəyi güman olunur.
Qeyd edək ki, ilk turda "Roda" - "Herakles", "Feyenoord" - "Utrext", AZ - "Ayaks", "Qroningen" - "Tvente" və NEK - "Ekselsior" matçları da keçirilməlidir.
