Bu gün 2025/26 mövsümü Bizon Azərbaycan Kubokunun qalibi müəyyənləşəcək.
Sportnet.az xəbər verir ki, finalda "Sabah"la "Zirə" qarşılaşacaq.
"Palm Sports Arena"da keçiriləcək görüşü Elçin Məsiyev idarə edəcək.
“Sabah” qalib gəlsə, “qızıl dubl” etməklə yanaşı, ardıcıl ikinci mövsüm Azərbaycan Kubokuna sahib olacaq. Həmçinin, Masazır təmsilçisinin qalibiyyəti ilə Azərbaycan Premyer Liqasında ikinci pillənin sahibi (indiki halda “Qarabağ”) Avropa Liqasına, 3-cü pillənin sahibi (indiki halda “Turan Tovuz”) və 4-cü pillənin sahibi (indiki halda “Neftçi”) Konfrans Liqasına yollanacaq.
“Zirə” isə üçüncü dəfə oynadığı finaldan qələbə ilə ayrılsa, ilk dəfə ölkə kubokunu başı üzərinə qaldıracaq.
“Zirə” isə kuboku qazanmaqla, Avropa Liqasında, 2-ci və 3-cü pillələrin sahibləri Konfrans Liqasında çıxış edəcək. “Neftçi” isə bütün şanslarını itirəcək.
Bizon Azərbaycan Kuboku
Final
13 may (çərşənbə)
20:00. “Sabah” - “Zirə”
Hakimlər: Elçin Məsiyev, Elşad Abdullayev, Pərvin Talıbov, Əli Əliyev
Ehtiyat köməkçi hakim: Gülnurə Əkbərzadə
VAR: Tural Qurbanov
AVAR: Rəhman İmami
Hakim-inspektor: Şahin Cəfərov
AFFA nümayəndəsi: Anar Şıxəliyev
“Palms Sports Arena”
