Bu gün Azərbaycan Premyer Liqasında son turun ilk oyunu keçiriləcək.
Sportnet.az-ın məlumatına görə, XXXIII tur matçında "Qəbələ" və "Şamaxı" komandaları üz-üzə gələcək.
Qəbələ şəhər stadionunda təşkil olunacaq qarşılaşma saat 18:30-da başlanacaq.
"Qəbələ" 32 oyunda 24 xalla 11-ci, "Şamaxı" 38 xalla 8-ci yerdədir. Matçın nəticəsi komandaların mövqelərinə heç bir təsir göstərməyəcək.
İki kollektivin əvvəlki 61 görüşünün hərəyə 20-də bərabər sayda qələbələr qeydə alınıb, 21 qarşılaşma heç-heçə ilə yekunlaşıb. Topların nisbətində "Şamaxı" öndədir - 75:68.
Son üç matçda meydan sahibi olan komanda qol vurmayıb. Cari mövsümün qarşılaşmalarında qonaq olan komanda qalib gəlib.
Azərbaycan Premyer Liqası, XXXIII tur
21 may (cümə axşamı)
18:30. “Qəbələ” – “Şamaxı”
Qəbələ şəhər stadionu
Qeyd edək ki, turun qalan oyunları 22 - 24 mayda keçiriləcək.
