İspaniya Super Kubokunun final matçının cavab qarşılaşmasında yan xətt hakimini söyən "Barselona”lı müdafiəçi Pike hərəkətinə görə üzr istəyib.
Sportnet.az saytının məlumatına görə futbolçu şəxsi "tvitter” hesabında bu haqda yazıb.
"Yan xət hakimini söydüyümə görə üzr istəyirəm. Düzgün hərəkət etmədim. Buna səbəb oyunda əsəblərimə hakim çıxa bilməməyim oldu. Amma heç bir halda hakimi söyməyimə haqq qazandıra bilmərəm”.
Qeyd edək ki, Pike qırmızı vərəqə alaraq meydandan çıxarılmışdı. İndi onu 4-12 oyun arası cəza gözləyir.
