Sloveniyada təlim-məşq toplanışında olan 19 yaşadək futbolçulardan ibarət Azərbaycan yığması növbəti yoldaşlıq oyunu keçirib. Sportnet.az-ın məlumatına görə, Nazim Süleymanovun rəhbərlik etdiyi komanda "Maribor" klubunun əvəzedici komandası ilə qarşılaşıb.
Qarşılaşma Sloveniya təmsilçisinin 3:1 hesablı qələbəsi ilə yekunlaşıb. Millimizin yeganə qolunun müəllifi Qara Qarayev olub.
Qeyd edək ki, toplanış çərçivəsində yığmamız ilk yoldaşlıq oyununda Sloveniyanın "Celje" klubunun U-19 komandasına 5:0 hesabı ilə qalib gəlmişdi.
