Türkiyə PTT 1-ci Liqasında mübarizə aparan "Qaziantep BB"
yeni mövsümdə komandada qalacaq futbolçuların adlarını açıqlayıb. Sportnet.az-ın
məlumatına görə, Qaziantep təmsilçisi 12 futbolçu ilə yola davam etmək qərarı
verib.
Yığmamızın müdafiəçisi Ufuk Budak da yeni mövsümü "Qaziantep BB"-də keçirəcək.
Budak 2012-ci ildə Super Liqa təmsilçilərindən "Əskişəhərspor"a transfer olunub. Ötən ilin iyulundan "Qaziantep BB"də icarə əsasında oynayır. Müdafiəçi ilk dəfə 2010-cu ildə 21 yaşadək futbolçulardan ibarət millimizə dəvət alıb. Hazırda o, əsas millimizin üzvüdür.
Qeyd edək ki, milli komandamızın daha bir üzvü Vaqif Cavadov bir neçə gün öncə "Qaziantep BB” ilə 2 illik müqaviləyə imza atıb.
