İspaniyanın "Barselona" klubu Çili yığmasının qapıçısı Klaudio Bravo ilə müqavilə bağlanıldığını elan edib. Sportnet.az-ın Kataloniya təmsilsinin rəsmi saytına istinadən məlumatına görə, "Real-Sosyedad"ın sabiq qolkiperi 4 illik anlaşmaya imza atıb.
Artıq tibbi müayinədən keçən oyunçunun keçidinin "Barsa"ya 12 milyon avroya başa gəldiyi bildirilir. Bravo yeni klubunda 13 nömrəli formada çıxış edəcək.
Qeyd edək ki, ötən mövsüm Klaudio Bravo "Real Sosyedad"ın heyətində 37 oyuna 52, DÇ-2014-də isə 4 matça 4 top buraxıb.
