Ukrayna "Şaxtyor"u Aleks Teyşeyranın Çinin "Tsyansu Sunin" komandasına keçdiyini təsdiqləyib. Sportnet.az-ın məlumatına görə, 26 yaşlı yarımmüdafiəçinin transferi asiyalılara 50 milyon avroya başa gəlib.
Bu isə Ukrayna və Çin futbolu üçün rekord məbləğdir.
Qeyd edək ki, Aleks Teyşeyra "Şaxtyor"da çıxış etdiyi 6 il ərzində 223 oyuna 89 qol vurub. O, 5 dəfə Ukrayna çempionu, 3 dəfə ölkə kubokunun və 5 dəfə Super Kubokun sahibi olub.
