İtaliya A Seriyasında "Bolonya" və "Yuventus" komandalarının görüşündən öncə insident baş verib. Sportnet.az-ın məlumatına görə, "Yuventus"un futbolçularını daşıyan avtobus oyunun keçirildiyi "Renato Dall Ara" stadionunun yaxınlığında hücuma məruz qalıb.
Azarkeşlər tərəfindən təşkil olunmuş hücum zamanı avtobusun içərisinə partlayıcı maddə atılıb. Nəticədə komandanın baş məşqçisi Massimiliano Alleqri yüngül xəsarət alıb.
"Yuventus" tərəfi bu addımın mədəni hərəkət olmadığını, şiddət və xuliqanlıq halı kimi qiymətləndirib.
Qeyd edək ki, "Bolonya" - "Yuventus" matçı qolsuz bərabərliklə yekunlaşıb.
