Gürcüstan milli komandasının Qazaxıstanla yoldaşlıq görüşü üçün heyəti açıqlanıb. Sportnet.az-ın məlumatına görə, yeni baş məşqçi Vladimir Vayss Azərbaycan Premyer Liqasından da oyunçu dəvət edib.
Bu, Bakı "İnter"inin yarımmüdafiəçisi Nika Kvekveskiridir. Amma digər gürcüstanlı futbolçular siyahıda yer almayıb.
Qeyd edək ki, Gürcüstan - Qazaxıstan matçı martın 29-da keçiriləcək. Nika Kvekveskiri Azərbaycan Premyer Liqasının XXVI turunda səfərdə "Xəzər Lənkəran"ı 1:0 hesabı ilə yenən "İnter"in qolunu vurub.
