"Oyun çox maraqlı alındı. Sadəcə, hakim çox böyük səhvlərə yol verdi". Sportnet.az-ın məlumatına görə, bunu Azərbaycanın 17 yaşadək futbolçulardan ibarət milli komandasının kapitanı Elçin Əsədov Bakıdakı Avropa çempionatının 2-ci turunda Belçika ilə keçirdikləri qarşılaşmadan sonra deyib.
O bildirib ki, çexiyalı baş hakim Petr Ardeleanunun yanlış qərarları göz önündə olub: "O, iki penaltimizi vermədi".
Əsədov Azərbaycan millisinin 80 dəqiqəlik oyun boyunca qələbə üçün vuruşduğunu və əllərindən gələni etməyə çalışdıqlarını söyləyib: "Amma alınmadı. Bizə dəstək olan azarkeşlərin hamısına təşəkkürümüzü bildiririk".
Qeyd edək ki, Azərbaycan - Belçika qarşılaşmasında qalib müəyyənləşməyib - 1:1.
