"Qarabağ"ın vitse-prezidenti Tahir Gözəl komandanı ziyarət edib. Sportnet.az-ın məlumatına görə, Gözəl Ağdam klubunun dünən keçirilən məşqinə gələrək komanda üzvləri ilə görüşüb.
Vitse-prezident Çempionlar Liqasının II təsnifat mərhələsində Malta "Valletta"sı üzərində qazanılan qələbə münasibətilə komandasını təbrik edib. Qələbənin vacib olduğunu vurğulayan başqan hələ heç nəyin bitmədiyini vurğulayıb. Gözəl 1:0-ın sürüşkən hesab olduğunu bildirsə də komandaya inandığını və sona qədər dəstəklədiyini söyləyib.
Qeyd edək ki, Tofiq Bəhramov adına Respublika Stadionunda keçiriləcək "Qarabağ" - "Valletta" görüşü iyulun 22-də saat 21:30-da keçiriləcək.
