"Brügge" klubunun futbolçusu Byorn Engels Belçika milli komandasının düşərgəsini tərk edib. Sportnet.az-ın məlumatına görə, səbəb 21 yaşlı müdafiəçinin qasıq nahiyəsindən ağrılar hiss etməsidir.
Yığmanın baş məşqçisi Mark Vilmots onun AVRO-2016-da iştirak edə bilməyəcəyini açıqlayıb.
Qeyd edək ki, Byorn Engels seçmə qrup mərhələsində də oynamayıb. O, ilk dəfə martda Portuqaliya ilə yoldaşlıq görüşünə (1:2) dəvət alıb. Belçika yığması AVRO-2016-da İtaliya, İsveç və İrlandiya ilə eyni qrupda yer alıb.
