Mayın 23-də "MYVİDEO” TV-də Avropa futbolundan bəhs edən "Futbol Dalğası” verilişinin növbəti buraxılışı efirə gedib. Sportnet.az-ın məlumatına görə, Araz Əhmədovun aparıcısı olduğu verilişdə daimi ekspertlər - Sportnet.az-ın redaktoru Mehman Süleymanov və "Zirə”nin U-19 komandasının baş məşqçisi Füzuli Məmmədovla yanaşı, Futbolxeber.az saytının baş redaktoru İbrahim Cəfərov qatılıb.
Bir saat ərzində Türkiyə Kuboku və Çempionlar Liqasının finalı haqqında müzakirələr aparılan proqramda "Qalatasaray” və "Fənərbaxça” arasında olan əzəli rəqabətdən bəhs edilib. "Futbol Dalğası”nda "Real Madrid” – "Atletiko” finalı ilə bağlı maraqlı statistik göstəricilər də tamaşaçıların diqqətinə çatdırılıb.
Qeyd edək ki, "Futbol dalğası” hər həftənin bazar ertəsi saat 18:00-da "MYVİDEO” TV-də canlı olaraq efirə gedir.
