"Qarabağ”ın Çempionlar Liqasında "Düdelanj”la dueli Azərbaycan futbolunun tarixinə düşəcək. Sportnet.az-ın məlumatına görə, bu, Azərbaycanla Lüksemburqun avrokuboklarda ilk görüşü olacaq.
Klublarımız 1994-cü ildən qitəmiqyaslı turnirlərdə çıxış etsə də, indiyədək heç bu ölkənin təmsilçisi ilə qarşılaşmayıb. Bu mənada Lüksemburq bizə rəqib ölkələr siyahısına düşdü.
Ancaq "Qarabağ”la "Düdelanj”ın futbolçuları beynəlxalq matçda üzləşiblər. Bu, milli komandalar səviyyəsində 2014-cü il dünya çempionatının seçmə mərhələsi matçları (0:0 və 1:1), habelə yoldaşlıq görüşü (2:1) olub.
