Türkiyənin "Fənərbağça" klubu hollandiyalı Qreqori van der Vili transfer etdiyini rəsmən açıqlayıb. Sportnet.az-ın məlumatına görə, futbolçu ilə 4 illik müqavilə imzalanıb.
İmza mərasimində klubun baş katibi və mətbuat katibi Mahmut Uslu, vitse-prezidentlər Ali Yıldırım, Şekip Mosturoğlu və Tahir Sarıoğlu iştirak edib.
28 yaşlı müdafiəçi "sarı-lacivərtlər"ə transferindən xoşbəxt olduğunu bildirib.
Qeyd edək ki, Qreqori van der Vil karyerası ərzində hollandiyanın "Harlem", "Ayaks" və Fransanın PSJ klubunda çıxış edib.
