"Sumqayıt" 2016/2017 futbol mövsümü üçün hazırlığını gündə iki dəfə olmaqla davam etdirir. Sportnet.az-ın məlumatına görə, baş məşqçi Samir Abasovun rəhbərliyi altında təlim-məşq toplanışının 1-ci mərhələsi dövründə ilk yoxlama oyununu baş tutub.
"Sumqayıt" "Şuşa-Qarabağ"la qarşılaşıb və minimal hesabla üstələyib. Oyunda yeganə qolu Mirabdulla Abbasov vurub.
Qeyd edək ki, "Sumqayıt" növbəti yoxlama oyununu iyulun 10-da "Zirə"yə qarşı keçirəcək. Qarşılaşma saat 18:30-da "Kapital Bank Arena"da baş tutacaq.
