Ukraynanın "Olimpik" klubunun futbolçusu Sergey Litovçenko Azərbaycandan təklif alıb. Sportnet.az-ın məlumatına görə, Premyer Liqada çıxış edən qapıçı karyerasını ölkəmzidə davam etdirmək variantının olduğunu bildirib.
Donetsk təmsilçisində oyun praktikası olmayan Litovçenko adını açıqlamadığı klublarımızdan biri ilə danışıqlar aparıb: "Ukraynadan olmayan klublardan biri ilə ilkin razılığımız olmuşdu. Həmin klub Azərbaycandan idi. Ancaq məsələ müqavilə bağlamağa gəlib çıxmadı. Donetsk klubu ilə daha bir 1 illik müqaviləm var. Buna görə də bütün diqqətimi öz komandamın heyətində mövsümə hazırlığına yönəltmişəm və onu uğurla keçirmək istəyirəm".
